Fashion
Art
Wellness
Paris
Follow
靚仔真係大曬?點評由官仔骨骨到「阿Sir風褸」、AK 輕鬆駕馭的4種穿搭風
Tyson Yoshi is on our Digital Cover
#EmpowerF Rosewood 鄭志雯 Sonia Cheng
顏卓靈和楊樂文的愛情Q&A
陳凱詠 Jace Chan 的 Chanel Coco Crush of the Day
專訪電影《梅艷芳》Louise Wong 王丹妮 Fish Liew 廖子妤
ANSONBEAN, Gareth T. , MC張天賦 - Boyfriend Material
黃德斌 大叔的信箱
8.76k views

靚仔真係大曬?點評由官仔骨骨到「阿Sir風褸」、AK 輕鬆駕馭的4種穿搭風

18.10.2021

看著 Mirror 的「老闆」AK Anson Kong 江𤒹生,你會發現上天有時就是那麼不公平——靚仔、大隻、有台型不特止,甚至從未有過明星最棹忌的時尚災難 —— 當然,他們的 stylist 絕對功不可沒,但 AK 滿瀉的星味,相信亦令造型師輕鬆了不少。而做慣時尚寵兒、品牌星級模特兒的老闆,今年29歲生日終於要成為「真。老闆」、當一回自己品牌的生招牌!

他在 IG 解釋品牌名稱「KYUBI」意指最可愛神獸 —— 九尾,同時象徵圓夢及保護,藉此祝願生粉們「保持初心,型住努力,潮住成功」。第一代產品以黑白為主,由 T-shirt、漁夫帽以至毛巾和雨傘都有,非常多元化。而現實中,AK dancer 出身之結實身形,令其可以駕馭的 style 同樣十分多元化,西裝、運動裝、鄰家男孩,以下又有你的心水造型嗎?

AK 衣櫥 1 :乾淨俐落西裝

Mirror 每位成員都靚仔有型又身材中上,出道後星味逐啲滲出,時裝、珠寶手錶廣告亦開始越接愈多。作為廣告新寵一分子的 AK,出席公開活動都難免要以一身正裝示人。例如上年的帝陀 Black Bay 58 Navy Blue 腕錶活動,一身官仔骨骨、剪裁俐落的灰色格紋西裝;又或是宣傳 Citizen Future Force 手錶系列的簡潔素色套裝,隔住個mon都聞到嗰陣型格紳士味!

AK 衣櫥 2:素人無法輕易駕馭的「伏味濃」穿搭

由大 logo 棒球夾克(仲要皮袖)、暗花「阿sir系」風褸(唔夠靚仔真係太招搖)加 shopper bag、鮮橙色裇衫襯彩色毛衣、再到最易變咸濕佬的長款乾濕褸,這些在普通人眼中絕對不會輕易駕馭的單品,老闆卻用顏值硬接(成功) —— 可能靚仔真係大曬。

AK 衣櫥 3:永恆不敗之 street style 

雖然做得品牌代言人就要有「化腐朽為神奇」的覺悟,但好在宣傳單品並非每次都咁難。近年吹的最旺盛、包容與保險度最高的街頭風格,亦成為老闆及造型團隊的不敗 wardrobe 之一。例如年頭 Fendi 限定店的開幕活動,AK 一身 Summer Vertigo 系列之藍撞白新裝,腰間扣着水樽、手持滑板;或是 LV 21 秋冬系列的撞色外套與闊褲 —— 街頭風格剪裁的包容度其實不只眷顧 AK!

AK 衣櫥 4:Rockstar 的明星生活

AK的明星生活真係好…搖滾。其中一首 solo之作《黑之呼吸》行 rockstar 路線,MV、演唱會版本分別以 biker jacket、和服剪裁皮褸之全黑造型示人,配以日系歌星的凌亂髮型,壞得來又十分「MM7」。現實中的老闆其實亦時不時洩漏自己血液中的  rockstar 因子,例如拍《夏日有團伙 擊戰一場》時的全黑牛仔套裝 —— 邊個夠佢壞?

最後加映焫著全港的硬照一張:雖然老闆著衫係好睇,但唔著衫其實仲好睇。

    Recommended