Fashion
Art
Wellness
Paris
Follow
活在充滿不確定性與不安的世代裏,各位香港人心中也有很多「點解」嗎? 專訪「點解」@dimmgaai 專頁創辦人Juliett
Tyson Yoshi is on our Digital Cover
#Figaroart 現代詩人Wyman 帶你遊歷V&A博物館尋找浪漫
#FigaroTalk 專訪Sabrina張蔓莎 《刹那的》
Anson Kong x McLaren
#FigroTalk 專訪Ian陳卓賢 《留一天與你喘息》
#FigaroTalk 專訪Anson Lo 盧瀚霆《Mr. Stranger》什麼是他的首要揀偶條件?
當巨蟹座遇上處女座 Tyson Yoshi x 林家謙
430 views

活在充滿不確定性與不安的世代裏,各位香港人心中也有很多「點解」嗎? 專訪「點解」@dimmgaai 專頁創辦人Juliett

08.09.2022

【 點解 】「 點解 做無意義嘅嘢係嘥時間?」「 點解 事物在相對之下先有價值?」活在充滿不確定性與不安的世代裏,我們內心有著諸多對於這個社會的不滿和懷疑,「 點解 」一詞猶如偏佈於香港各角,在Instagram上有一個專頁 @dimmgaai 就將我們心中的「 點解 」疑問和心聲以PS形式寫在街頭上的廣告牌、街牌等地方,引起各位香港人的共鳴。今天我們MF就請來了「點解」@dimmgaai 專頁創辦人Juliett 告訴我們「 點解 」一詞背後的深層意義。

(圖片來源:Instagram @dimmgaai)

 MF:可以先談談是什麼促使你開始「點解」這個Instagram專頁嗎?

Juliett:我覺得好多香港人都係抱住普世嘅價值去過佢嘅日常,冇一個習慣去質疑世事。對於我嚟講問問題係一種希望嚟,質問可以帶嚟更多睇事物嘅可能性。

  MF:為何你會選擇透過改圖將「點解」遍佈於生活的不同事物之中?

Juliett:點解嘅目的係希望人可以反問日常。而香港嘅日常中充斥住好多標語廣告。佢哋普遍嘅目的都係要人好單一,直接地吸收訊息。

呢啲反思日常嘅問題上嘅標語廣告,某程度上係一種protest,概念上同形式上地主宰返一啲影響我地思維嘅空間。

(圖片來源:Instagram @dimmgaai)

 MF:你覺得保持好奇心是一件好事還是會為我們帶來更多煩惱?

Juliett:我覺得好因人而異,當好事等於快樂,要一個接受及享受平淡無奇嘅人去保持好奇心會好煩惱同痛苦。但自己嚟講,我嘅快樂嚟自於世界各種專門驚喜嘅可能性。所以好奇心對於我來講係一件好事,it’s very liberating. 佢帶俾我快樂。

 MF:「點解」這語既有疑問和懷疑用意,也可以是表達不滿,而這是否我們香港日常生活也是如此?

Juliett:我認為詞語喺一個地區文化裏嘅使用方式能夠意味當地嘅日常/狀態。「點解」在當下的確有懷疑,表達不滿嘅用意。

而呢個亦都係我經營專頁事發現嘅難處之一,個人認為所有問題都有佢嘅思考價值。但因有些問題會意味着抱怨,不滿嘅情緒而要篩選走。

(圖片來源:Instagram @dimmgaai)

MF:你最喜歡自己創作的哪一幅「點解」作品?

Juliett:我最鍾意 「點解要預設自己嘅常識為正確」 呢一條問題。我認為呢條問題唔單止夠直接,日常同易明之外,能夠表達個專頁嘅宗旨。

(圖片來源:Instagram @dimmgaai)

Juliett:另外我都好喜歡 「點解我唔可以診斷自己」 呢條問題同佢嘅表達方式。唔單止將「點解」貼到喺街上面,路過嘅人亦都可以將作品戴上手,將問題融入各自嘅生活。

(圖片來源:Instagram @dimmgaai)

MF:除了電腦改圖以外,你是否也試過將「點解」作品貼在大街上?

「點解」:有呀,暫時會繼續用改圖嘅形式發表作品,將來會想再嘗試將「點解」嘅作品貼係街。

(圖片來源:Instagram @dimmgaai)

(圖片來源:Instagram @dimmgaai)

MF:最後一題,未來你會將其他實體方式呈現出來的「點解」作品嗎?而這些方式又會有着什麼意思?

「點解」:嚟緊點解會出一套問答形式嘅卡牌遊戲!希望可以進一步將「點解」呢個腦部運動融入日常。遊戲內容包含100張圍繞本土文化嘅觀點。歸類為人際觀卡同世界觀卡。玩家可以透過呢個問答遊戲深入了解對方之餘,發掘更多睇事物嘅可能性。

    Recommended